Lai Khawt: Congnak puan hrawhmi a si maw?

LAI KHAWT: CONGNAK PUAN HRAWHMI A SI MAW? Tukar hawng cu Laikhawt kong chimrel ngai a si. Mah le ruahning cio ti a si ca ah ka hun chim ve. Sau nawn lawlaw in ka chim lai.   Kei hi Laithil kongkau ah ka cham bau ngai. Laithuam min hmanh ka thei dih lo. Miphun ka dawtlo cu a si hrim lo. Conlo/canlo timi zong hi a thil le a min ka hliah lo. Lai pupa chan Lai hnipuan ka theihmi cu pa hrukmi ah biar le puanrang (alai fang ah atung zulh in anak tenhmi. Avang lei cu tenhmi a um lo) an si. Hi puan hi kanmah holh in a min "Thangraku" kan ti. Cun lupawng a si rih. Lupawng tling taktak cu dongkua a tling ti a si. Capo zong in chim ttheumi cu hlan Lai pa nih Kankaw ah lupawng ca ah thilthan a cawk ti a si. Dongkua a tling deuh rua lo, tawite a bau rua. Lai pa nihcun "Lu cung paw hma Khongpawng dongkua ma tling bu, cite nga-se' (cuaitan tinak) chap pa" tiah a hal, ti a si.  Pa nih hrukmi angki a um ka thei lo. An ihruk ka hmu bal lo. Hitin pa hruk mi angki kan ngeih lo ca ah Laikhawt hi a chuak i cucu kan buaimi hi a si ko. Nu hrukmi ah hnittial (asen) le Bakaw timi (muici sen in a ttial) angki an ihruk pin ah atu congnak puan hi an i aih chih. Nu nih an tai i an i thuamhmi tthi thluanpi zong a um.   Chim hmasabik ka duhmi cu "hnipuan le kan ifenh-aih ning hi a biapi tuk" ti hi a si. Chim duhmi cu hnipuan kan ni fenh-aih mi nih kan thinlung le nunning zong a kan mersan khawh ngai. Thilpuan ttha aa hruk pengmi cu an thianghlim deuh, an thinlung a sang deuh kan ti ko lai. Zeitipoah in thilpuan a hmang sawhsawh mi cu kan hnawm deuh ve ko. Kan thinlung zong a vaivuan deuh ve ko. Tahchunhnak ah hlan lio cowboy uniform an timi luchin, kedan le hnipuan hna vun ihruk-aih ahcun thinlung phundang in ngeih a si. Nungak tlangval zong nih latest model hnipuan pawl vun ihruk-aih ahcun an thinlung aa phun dang deuh. Anmah lawng si lo in midang thinlung hrimhrim zong aa phundang ko. Pastor le Krifa upa hna nih biakinn chung ah hnipuan an hmanmi le an ihruk-aih ning zong nih khin anmah lawng si lo in mipi thinlung tiang a mersan ko. Cu bantuk tthiamtthiam in Lai thilthuam siseh, Lai thilthuam he aa lo in ser/tuah mi hnipuan hna zong nih kan thinlung a kan sersiam ve. Abik in Laimi kan sinak le kan pupa nih an kan rohmi hnipuan kan ihruk-aihning zong a kan theihter. Kan miphun dawtnak le tlaihchannak thinlung zong a kan ngeihter.   Atu lio suit (Khawt le Tawhrolh sau) timi khi vawleicung mi vialte nih hman dih cio mi (universal dress) a si tiah ka ruah. Ramkip cio nih mah le ram zapi zaran nih hruk-aih mi ngeih cio a si. Tahchunhnak ah Kawlram ahcun hni (nu he pa he) a si. India ah angki fual (nu he pa he) a si ve. Mirang ram ah tawhrolh sau (nu he pa he) a si ve. Kawlmi kan huat hna ca ah le kan miphun kan dawt ca ah Kawl tuahmi an hnipuan hni (lung-zi) kan hmang lai lo ti le tawhrolh sau Mirang hnipuan a si ca ah kan hmang lai ti bantuk ruahnak hna hi practical ah zapi zaran ca ah a si kho lo mi a si.   A ngaingai ti ah, Laiphung le thilri kan ttanh tiah biar kaih a ttha ti maw? Puanrang a lai ah anak in tlangkhat te lawng ttialmi he chuah a ttha ti maw? Nu thilthuam lehlam cu a vaa dawh ngai ko ca ah chim awk um lo. Atu i tawhrolh sau kan hmanbik mi zong hi Lai tuahmi  origin a si lo. Mirang a silo ah midang tuahcia mi kan ilak tthiamtthiam ko.   Hlan thilthuam pawl hi a kil tu in kilven awk a si. Hlan pupa chan i an rak hman mi la siseh, sii an rak hmanmi siseh, an tahning le an ttialning siseh. Hi vialte hi tthate in Lai Nunphung kilvengtu buu nih ngeih/chiah awk a si. A a ti kho deuh nih pumpak le chungkhar level zong in ingeih le ichiah ttha hrimhrim a si. --- Asau pah i tling tein HIKA hin relding a si. ------------------------------ "Serve with gladness"

America Ram Biatiam (Pledge of Allegiance)

Pledge of Allegiance (Ram Biatiam) Pledge of Allegiance timi cu miphun pakhat nih cozah nawlngeihnak hmang i an pommi Puanlang (Thantaar) hmai ah an chim tawnmi biakamnak asi. Miphun tling asimi National Identity ttha te i a ngeimi nih cun an ingeih dihmi asi.   America i an hmanmi Pledge of Allegiance cu 1892 lio ah  Baptist pastor Francis Bellamy nih arak ttialmi asi. Bellamy i ahmasabik arak ttialmi ah hin "I Pledge Allegiance to my Flag and the Republic for which it stands, one nation indivisible with liberty and justice for all" ti vial lawng arak si. Under God timi hna hi arak itel rih lo. Hi biakam hi rianrang i chim ding khi asi i Second 15 chung ah liim ding khin arak timhmi asi.  1892 i Columbus Day ah hin avoikhatnak zapi nikhua ah an rak hman. 1923 i an tuahmi National Flag Conference ah hin " my Flag"  timi khi The Flag of the United States ti ah an rak thlen. Aruang cu mipeem pawl nih hin anmah Puanlang ah an irel sual lai ti phaan bia ah arak si. Akumvoi ah "of America " ti khi an van chap tthan. Congress nih 1942 June 22 ah phunglam tlai te in Official National Pledge ah hnatlaaknak atuah. Jahovah's Witnesses hna nih hin Pledge biachim i an rak duh leem lo buaibainak arak um pah. Zeicaah ti ah American constitution i First Amendment i a um mi freedom pawl zong zoh chih ahauh ve caah asi.   Hi bantuk biatiam chimrel lio ah in salaam peek asi i Bellamy i arak tining ah cun an kut hi an hmailei ah an samh i an zapei khi vaanlei an hoihter. Ahnu ah an zapei cu tanglei an hoih ter tthan. Asinain cuti i salaam ipeek cu Hitler i NAZI pawl atuahtermi hna he ai lo ai an ti i President Franklin D. Roosevelt nih salaam peek ning thar arak chuah. Cu ah cun kut hi thinlung zawnte ah chiah ding ti khi asi. Cu tuahning cu Ram hla (National Anthem) sak lio le Ram Biatiam (National Pledge) chim lio ah zulh ding ti arak si.   "Under God" timi hi 1954 lawng ah Ram Biatiam (National Pledge) chung ah khumh asi. Agenda arak chuah tu cu Louis A. Bowman, Presbyterian Pastor asi. Hi biafang hi Lincoln 's bia chung i ka laakmi asi arak ti i hi biafang achap ruang ah hin Award zong an rak peek phah. Under God timi telh chih nih asawh duhmi cu  America cu a tthawng a ttha ti asi ko na in tangdor athiammi asi. Tangdor nih hin minung kha thlarau lei he akan pehtlaihter deuh i sullam ngei deuh in kan nung, cun phung le lam zong kan zuul kho deuh tinak caah asi.   Minung pakhat nih hin National Pledge pakhat hi ai ngeih ve awk asi. Angeih lo ah cun ngeihkhawhnak lam akawl ve ding asi. Kan nih Laimi cu Flag zong kan ngei lo, Pledge zong kan ngei lo, Anthem zong kan ngei lo. Hi vialte ramdang chuak fanau le fimthiamnak he atthangmi kan ngeih ve cang ko hna caah ruah caan acu. A caan aphaan cang. Hluanku pa --- Atang mi HIKA hin a dihlak relding. ================= Life is like a book, everyday is new pages

Ban Ki-moon Biachimmi

UN Secretary-General Ban Ki-moon Biachimmi   Excellencies, Distinguished guests and colleagues Ladies and Gentlemen, This is my second visit to Myanmar in just over a year.  Both visits have been at critical times for the country's future. My first visit was in the aftermath of Cyclone Nargis.  This devastating natural disaster, which took so many lives and created so much hardship, touched hearts across the globe.  In Myanmar's moment of need, the world responded generously. I want to personally thank everyone here today for your remarkable contributions to the relief and recovery effort. You have saved lives, rejuvenated communities and made it possible for many thousands of people to reclaim their livelihoods.  You have helped Myanmar to overcome adversity.  It is important that this work continues. Ladies and Gentlemen, I felt the tragedy of Cyclone Nargis deeply -- as a fellow Asian and as Secretary-General . I am Asia's second Secretary-General.  The first was Myanmar's U Thant.  I revere his memory.  I also recall his wise words. U Thant said: "The worth of the individual human being is the most unique and precious of all our assets and must be the beginning and end of all our efforts.  Governments, systems, ideologies and institutions come and go, but humanity remains." This is why I have returned. As Secretary-General, I attach the highest importance to helping the people of this country to achieve their legitimate aspirations. The United Nations works for people – their rights, their well-being, their dignity.  It is not an option.  It is our responsibility. I have come to show the unequivocal shared commitment of the United Nations to the people of Myanmar. I am here today to say:  Myanmar – you are not alone. We want to work with you for a united, peaceful, prosperous, democratic and modern Myanmar. We want to help you rise from poverty. We want to work with you so your country can take its place as a respected and responsible member of the international community. We want to help you achieve national reconciliation, durable peace and sustainable development. But, let me emphasize: neither peace nor development can thrive without democracy and respect for human rights. Myanmar is no exception. --- Adihlak HIKA ah rel ding.

Laimi kan Thawhkehnak le Nihin kan Dirhmun

Cattialtu: Pu Lian Cin   Dotkhatnak   Biahmaithi   Zeizong vialte hi tuanbia chung ah an um dih. Tuanbia in aa hlip phuak khomi a um lo. Tuanbia nih thiltha le thilchia, thildik le thildik lo, a kan chimh. Tuanbia nih nifa kan nunnak ah siseh, hmailei kan nunnak caah siseh lam a kan hmuhsak. Cu caah mifim mi nih tuanbia cu an dothlat i a tha lomi kha hrial an izuam long siloin a thami kha thachin seh tiah sersiam le thancho ter an izuam.   Laimi zong nih kan tuanbia pakhat ah aa tel ve mi kan pupa thawhkehnak le khua le ram an rak tuknak an rak sernak hi hlathlai in kan miphun kan itheihthiamnak ca le kan miphun lungkhat thinkhat in kan thutdir khawhnak caah chimrel hi kan herh ve. Kan pupa hna chan ah catial an rak thiam lo tik ah kan tuanbia hi kan pupa hna nih ca in chiahmi a rak um lo. Sihmahsehlaw tuchan ah upa cheukhat hna nih an theihkhawh tawk le an hlathlai khawh tawk ca in an kan chiah piak. Hi tuanbia ca hna cu Sianginn i tuahmi Research paper bantuk in ( biahalnak le fianternak phun in ) tuah mi a si lo tik ah pakhat le pakhat an theihning le an tialning hi aa dannak le aa kalhnak tete a um tawn. A tu ah keimah zong nih kan pupa hna khua le ram an tlaknak, an kan hrinsornak kong chim kaa tinh tikah hin midang theihning he a khat lomi a um len ko lai. Keimah nih a dik bik tiin ka zumhmi  ka chimrel mi a si ti kha theihter kan duh hmasa hna. Hi biatlang hi a kau tukmi a si ve tik ah sml 2 chung ah hin tling ngai in chimrel khawh a si lai lo. Cucaah ka duhnak zawn tete in ka vun langh ter lai.    A biapi mi cu hi cawnpiaknak a dih tik ah mino hna nih, Laimi hi apehtlaimi long te kan si nak le, khat le khat ihrial awk a tha lo mi, ithlei awk a tha lomi kan si zia le peng le tlang timi lungput hi a dik lo mi, icawn awk a si lo mi, a si zia kha zaangdam ngai in nan lungchung ah nan riah ter khawh ding kha  ka saduhthah mi cu a si.   2. Lairam kan phak hlan kan tuanbia tawi   Laimi Lairam kan phak hlan ah, kan pupa min, kan khuamin, kan lothawh kan thingphurh, kan holh, kan inn kan lo, kan vawkte an arte, kan thil kan thuam tibantuk hi zeiset a si ti hngalh khawh a si lo. A si nain Lairam kan um hlan kan rak thutdirnak hmun le hma hi fiang ngai in theih khawh an si. Laimi cu Tuluk ram Tibet in a ra mi Tibeto-Burman timi  kan si i  Tibeto-Burman chung ah Assam-Burman timi phu ah aa telmi kan si. Cu Assam-Burman phu ah cun miphun 6, ( Chin , Thet, Burman , Kachin, Naga le Lolo ) kan um i hi miphun 6 hna lak ah Laimi hi Kawlram ah a rak lut  hmasa bik kan rak si. Tibet in Kawlram ah kan rak luh tik ah Hukong thlangkar hrawng kan rak phak hi AD 400 hrawng a si tiin theih a si. Cun Kawlram nitlak-chaklei kap in kan rak lut i Chindwin tiva kam hrawng, Monywa khua chaklei, Cun Chindwin le Irrawaddy tiva karlak um mi Shew Bo khua hrawnghrang, ah kan rak um. A tu Sagaing khua hmun khi " Chin Suh " an rak ti i a sullam cu Laimi an ipumhnak hmun ti nak a si. 1971 kum ah Thilhlun kawlmi pawl nih Monywa khuachak ah Zenthawl kuai le Belkuai an hmuh i cucu Laimi long hmanmi a si zia kha an fian ter. Cu thilri hna cu Carbon 13 in an zoh tikah AD 800 lio thil a si tiin an hmuh. Cucu Laimi kan rak umnak a feh ter fawn.   Laimi Kawlram kan rak luh hlan ah hin Kawlram nichuah chaklei kap hin Pyo le Mon hi an rak lut chung cang. Pyo nih Irrawaddy nichuahlei kap hmum hma khi Shan ram tiang in an rak luah cang. Mon nih Kawlram nichuah thlanglei kap vial te an rak hum hak chung ve tikah Laimi hi Chindwin tiva pawng, Irrawaddy nitlaklei kap long an rak conak a si. Cun Laimi cu duhsah tein nitlak lei le thlanglei ah kan ithial hna i thlanglei ah Pakokku, Thilin, Tazet, in Hinthada timi tiang, cun cheukhat Pokpa tlang hrawnghrang Laimi khua kan rak sa hna. Cucu Asho Chin an si i nihin ni tiang an um rih. Tampi cu Kawl ah a cangmi zong an um hna. Hi bantuk in Laimi Kawlrawn kan rak phak i khua kan sak nak hi kum zabu 7  hrawng a si tiin tuak a si i kum zabu 14 tiang Kawlrawn ah khua kan sa hna tiin tuakning a si. Thet hi Laimi hnu ah Kawlram an rak lut i Irrawaddy tiva chaklei kap in Manipur ram tiang an itlai. Sihmanhsehlaw, Thet hnu in Kawlram ah a rak lut mi Kawl pawl (Burman) nih an pon chuah hna i  Manipur, Sagaing, Rakhaing, Kachin ram tibantuk in an ithekthai dih hnu ah an miphun tiang a lo tlau dih. Laimi kong hi Pagan lungca ah tial a rak si cang. Pagan uknak hi AD 1044 in 1287 tiang a si. Cu lio caan ah Laimi le Kawlmi an ramri cu Monywa khuachak meng 21 a hlat nak i a ummi Alung an timi khua khi a rak si. A sullam cu Laimi le Kawlmi hi innpa chakthlang bantuk in khua an rak sa hna i Kawl nih Laimi hi an rak uk bal hna lo tihi a fian ter.   --- Azapi HIKA hin relding.  ------------------------------ "Serve with gladness"

Jungle Lodge ah Malaysia Leitak Pinic

Original source: SIB mail (7 July 2009) Thlahtu Email: mangbik07@googlemail.com   Dear SIB unau hna,                             Malaysia um Leitak chungkhar nih Pathian thluachuah ihamnak caah tiin Pathian riantuantu hna Tluang Za Uk group cu rawldumti kan sawm hna.Upa deuh pawl le EC nih rawldumpi an si.Rawl dumtinak a dih in Pathian thangthat tinak an kan ngei pi. Pudu ( Pu Ni Kam ) te inn ah kan i pum.Khua aiawhin Pu Ca Hmung nih lawmhnak bia le thlacamcahnak a ngei hna.Kan zapi tein kanmah khua hmuh in kan in hmuh hna ee a ti hna.Cu dih in Kan khuaram kan miphun caah thlacam a cah hna.Thomas Tial Uk a dir i lawmhnak bia a chim dih in tuzan thawngttha chim hi keimah tein kaa ham mi a si ee a ti.A khua in sawmmi a si caah kaa lawmhkhunnak a si ee a ti rih..Jesuh cu a mah kong a ceih deuh mi le a mah a sawmtu sin ah tel a duh mi a si ee a ti.A mah kong ceih a huam lo mi le a sawm lo mi sin tel cu a huam ve lo ee tin thawngtha a chim.Kan amen tu a tur in a tur.Ummmmm a ti mi zong kan tlom lo.                            Pumhnak a dih in EC pawl le upa deuh pawl cu Malaysia um Leitak chungkhar kumcheu Picnic ( Jungle lodge ) kalnak kong ceih ding in innkhan te ah hmunhma lak colh a si.Khah zei hlan ah, nan inn cio in pa zeizat cio dah kal kho lai?Phaisa thawhkho zeizat ? tiah president Salai Thang Cin Mang nih EC pakhat hnu pakhat a hal hna.A kal kho ding minung cazin 90 hrawng a phan.Phaisa thawhmi RM 2000 /-.Si cun bus hi pahnih i hlang seh ti a si.Kan i phorh dingmi ( meh,belkheng, le herhbau)tuanvo la tu ding i thiah dih hnu ah inn tin cio a si.                          A thaizing (4.6.2009 ) 11:00 am cu Pudu Plaza hram ah kan i tong dih cang.Leitak khua hlah maw a si ti awk in kan tam.Minung kan i chek cu 122 kheng te kan si.Salai Bawi Ling Mang ho in thilri a tlin/tlin lo an chek colh.Tlompal ah Bus pahnih a rak phan.Bus cung kan kai dih in thlacamnak he 12:00 am ah kan i thawh.Mirh thlam long te a leng.Hmanthlak cu tlangval pawl nih a tu le tu an rak hmeh.Cheukhat cu lau lengmang a si.Minutes 50 hrawng kal a si nain lam a ciat pah caah 1:30 ah jungle lodge cu kan phan.Kan phak tlompal ah a herhmi thawng ithanhnak tete Salai Thang Cin Mang nih can a lak.( Jungle lodge hi tiva hram ah Hotel inn hnih a um i cu tiva cu lai lei tiva bak khi a si ko.Nga zong Thanghorva nga bak khi a si.Mikawire kan ti mi he khin an i lo.A dang nga a um lo.A thaw tuk.Ti lionak khorhnih a um.Thingkung ngan pipi an um i  rawn a si.Tlonlennak a nuam tuk.)Kan phak zanlei cu zei huaha kan tuah manh lo.Vah tuktak in kan can a dih.Sur pahnih kan i ken i hodah tiva a kal lai ti a si i keimah a ti tu an tam.A nih ngatleih a thiam a nih a thiam ve ti chim lulh cio a si.Salai Tin Mang Lian bel nih ka thiam a ti lo nain ka pa hi kan khua ah sur a chuahpi hmasa a si a ti ve.Salai Tin Mang Lian le Sa lai Ral Thang nih an hruai hna i minung pali an kal pi hna.A vor taktak tu cu Salai Za Hei le Salai Ngun Hlei Thang an si.Bel pawngnga tlum khat an tlaih.An tlun lei ah Salai Ral Thang cu a biakaa a thaw ngai.Zeilo a ken rua.Zanlei rawlchuan cu Salai Mang Lian Uk ho nih an buaipi ve.Rawl kan ei dih in pumhnak kan tuah.Salai Thang Cin Mang nih chairman a tuan.Pi Ngun Bang nih hramthawk thla a kan cam piak.Pu Ngun Hu nih Pathian bia le siaherh bia in thazang a kan pek.A tu caan ah keimah tluk in aa lawmmi nan um lai ka zum lo ee tiin a bia a thawk.Pathian bia in thazang a kan pek hnu ah ramthumnak kan phak tik zong ah Leitak mi he lungkhat thinkhat te ah nan va um lai.Thawh a herh mi poah thawh khawh nan i zuam lai.kanmah um in kan va um hrimhrim lai lo.Tei kan rial lai a ti.Thazang tampi kan chuah lai l a ti rih.( Te Pa Hu hi kan khua le kan ram a daw taktak mi a si.A herhnak poah ah a kan tel pi.A mah a um ahcun hna a hnam tuk).                        Pumhnak programmee a dih in nuamhnak kan tuah.Pu Tluang Kung le Salai Mang Bik nih an kan hruai.A nuam tuk.Kan riahnak pawngkam cu kan nih thawng nih a khuh dih.A donghnak ah Pu Tluang Kung nih Ngalhriang he an i thuatnak kong kha zapi theih ding in a ti i laiholh te in a kan chim.A donghnak ah keimah nih ka tei a ti.Ih kan i tim hrawng ah a voihnihnak tiva a kal mi Salai Isak le Salai Emos ho an rak phan.Nga cu Pawnghleihnih tlum belhnih bak an rak tlaih.Kan nu le cheukhat cu ei lai kan i ngaih tuk an ti cio.Tlompal ah Salai  Mang Uk ho nih nga cu an kio colh.                       A thaizing ( Zarhpi ni ) suimilam 7:00 am ah kan tho dih.Lakphakti kan din hnu in bawllung chuih kan thawk.( Patung phuhnih le tlangval hnih in then a si).Patung thiam deuh le tlangval thiamdeuh pawl kha chuih hmasa ding a si.Patung lei in Pu Ngun Hu le Salai Mang Bik nih a lai an tlaihpiak hna.Pu Tluang Kung hmaiah a tli.Bawlung cu Patung ke ah khua a sa.Tlangval pawl cu thazang deuh in an tang.Patung tu cu thiamnak deuh in an tang ve.Patung nih 3:0 in an tei hna.Salai Esau nih kawl hnih le Saya Lung Ceu nih kawlkhat an sut.Salai Esau a sut mi cu Pu Ngun Hu tuahpiak mi a si.Pu Morinho um seh law Pu Ngun Hu,Salai Mang Bik le Pu Tluang Kung hna cu AC Milan an phan hrim lai.Tlangval lei cun Salai Tin Mang Lian,Salai Mang Lian Uk le Salai Bawi Ling Mang te pawl hi a ke a chuak mi an si.Bawlung puai a dih in rawl kan ei.Kan ngasa cu tamtuk a hlei.Nutung pawl cu ngasa kan eimi hrim kan lung a tling tuk cang an ti cio.Kan khim in pumhnak cantawi te kan ngei.Salai Mang Bik nih chairman a tuan.Pi Chin Chin ( Van Bawi Thawng nu ) nih hramthawk thla a cam.Pu Tial Kham nih Pathian bia in thazang akan pek.Leitak khuami he saupi a rak i then cangmi Pi Ni Ca nih donghnak thla a kan cam piak..Pumhnak a dih in hman kan i thla cio.Cun bus a rak phan i KL ah kan kir.Lampi ah a min ka philh lungpang cung i khur kha kan rak zoh pah.Zalei SML 4:00 ah KL kan phan than.      Lawmhnak tampi he , Salai Mang Bik. Malaysia.   A dang thongpang, Kanram lei in Pastor Tluang Mang nupi le fa le zong Pathian nih lam a hruai hna i dam tein kan sin an rak phan cang.Saya Ram Hei a fa le pahnih zong a tu hi lampi ah an rat liopi a si.Dam tein Kan sin an phak khawhnak hnga thlacam in bawmh hram hna uh sih.        Note: Cattialtu nih a thlahning (Punctuation remhlo) in tar a si. ------------------------------ "Serve with gladness"