Lungrawn RuunInn cu hi bantuk hi a si. Inn le lo hi Lai biaphung ah chimkemh lengmang mi a si. Inn lawng zong in a za lo, Lo zong a herh chih mi a si. An pahnih an itluk, a cuaitlai aa tlak lawngah Lai khuasak a tlamtling deuhmi dirhmun in hmuh a si.
x
Vawlei cung ah a sunglawibik mi cu chungkhar a si. Sianginn tthabik, buu tthabik, biakinn le Krifabu tthabik hna zong chungkhar a si. Chungkhar hi tthanchonak ca ah a hrampi bik a si. Atu lio Hillary Clinton nih Child Care biatak te in a aupi mi zong hi a hmantuk mi a si.
x
Laimi le Lairam ca zongah ka vision cu Child Care hi a si ve. Ngakchia kan si lio i tthate in kan i zohkhenh i kan i conghhramh ahcun upa tling le a fim a tthawngmi kan chuak tam ko lai.
x
Thil zeipoah hi a hram in aa thawk i a dong ah a dih mi lawngte a si. Minung nunnak zong a thawknak a um i a donghnak a um ve. Kawl biafim ah "Asah kawng hmah, a hnawng techia" ("A thawknak a tthat lawngah a donghnak lei a ttha lai") timi hi a hman taktak mi a si. Thingno te cu a keuhka tein a kawi a si ahcun cu a kawining tecun a tthang ve ko. Minung nunnak zong cu bantuk tthiamtthiam cu a si ve ko.
x
Psychologists study ningcun, minung hi a nu nih a poihlan, ava he an i umtti khin aa thawk cang ti a si. Nu le va umtti lio ah nuamlo ngai le thinhunbu an si ahcun cu an umttinak in aa semmi nau cu phundang in a chuak ti a si. Nu nih nau pawi lio tein thinglung ttha, nuamhnak, vitamin le eidin tthattha, etc. hna hi a herh cang. Nau pawi lio ah cu bantuk dirhmun a ngei lomi nu nih a hrinmi fa zong a ngan a dammi hawidang fa he hrin an si tikah an i lo lo ti a si.
x
Cucaah ngakchiat lio te in eidin in siseh, ethics in siseh, biattha le hmuhmi ttha in siseh, pawngkam ttha in siseh, tthanter an hau. Ngakchiat lio in cu bantuk an ngeih lo ahcun vawlei chia i thlaici cinmi bantuk sawhsawh khi a si ko. Vawlei ttha i thlaici nih a ngan a dam, a tthan a tthat i theipar tthattha le tampi a vui bantuk in minung nunnak zong ngakchiat lio te, a hram in aa thawk cang mi a si ve.
x
Hi kong hi amah le section le stage cio in research phun in ttialding a si. Lairam le Laimi ca ah case study bantuk in ka tuah lai i propose ka tuah te dingmi a si.
x
Kan peh tthan te lai. Can ka ngei ti lo.
x
**************
No comments:
Post a Comment