CARD THAWNGTHANH (2 May 2009)

Hmunkip ummi CARD Unau hna, Nan dihlak lunglawmhnak he nan kut kan in tlaih hna. Lailei thawngpang a tha rih. Kumdangnak in ruahti a tlai i Lailei Lotuah tu caah cun khuaruah har le lung rethei in um cio a si ko. Minung nih kan tuah khawh lo mi cungah Pathian tu kan bochan ko. Ramleng um kan Unau hna zawng nan thawngpang kan in theih tawn hna. A canah kan i lawm a canah kan khua ruah a har. A zei a  si hmanhah Pathian tu bochan cio ko hna uh sih. CARD riantuannak tete kan vun in theih ter than hna. -- Malaysia um CARD kan Unau ZZLMS nih a ra lai mi May 9,2009 ah Civui tuah an i tim ti thawng kan rak theih. Kan lung a lawm hringhran. Mah tluk tihphan thlalaunak ram in miphun dawtnak thinlung he Unau rual  i funtom duhnak le i funtom khawhnak thluachuah petu Pathain min kan thangthat i khuakhang lairel tu upa hna cung zawngah kan lung aa lawm hring hran. Sung luai ngai in an tuah khawhnak hnga thlacam piak cio hna uh sih.. --CECD (Civil Empowerment and Community Development) Thailand ah thlathum training  akai mi Pastor Ram Nawn cu a ra laimi May 10 ah Yangon a rak phan cang lai. A kaiti mi hna chungin minung pahnih an thim than hna i Newzealand ah thlaruk training peh khawh dingin an thim ve .. Pathian cungah kan i lawm hringhran.June thla chungah a kal colh than lai.Atlamtlin khawhnak hnga Pathian sin thlaza cam piak cio hna uh sih. -GLT (Grassroot Leadership training )Thailand ah thlathum training kai ding in Pastor Khin May Than cu a ra lai mi May 17,2009 ah kal dingin Rangon a phan cang. --A ra laimi May 12-20,2009 ah Rural Leaders Training (TOT) tuah ding in timhlamhnak kan ngei i khuate lei hruaitu   minung 25 (Assoc.pakhat in minung 3 cio) kai dingin kan cah hna. Cawnpiak tu hi Rangon in Rev. Dr. S. Ngun Ling le a hawi Karen pahnih,Rev..Ngun Kham,Rev. Za Mang, Rev. Di Van,Rev. N. Lai Uk(TABC), Pu Chawn Kio, Rev. Za Khar, Pastor Tum Hniang, Mr. Jacob Thang(Hakha) ,Rev. Dr. Lian Do Kham(Special lecture,)Rev. Dr. Hla Aung(Special Lecture)Rev. Sang Hre le Dr, Khin Nweh (Special Lecture) in sawm an si. Tlam tling tein kan tuah khawhnak lai thlacamnak in nan kan bawmhchanh cio nak lai zangfah kan in nawl ko hna. --Amithiang lennak lairam.Vol.III cu Editting a dih cang Master a rauh hlanah a chuak cang lai. Nan sin a phanh khawh cionak lai kan i zuam cuahmah lio a si. --CARD Director Rev. Dr. Hrang Kil zawng Pathian thawng le dawtu Unau hna thawng in a dam cuahmah cang ti thawng kan theih kan i lawm hringhran, Dam tein a um ahcun May thladih ah kan sin a phan kho lai ti kan zumh. Pathian sin thlacamnak in i bawm chan cio ko hna uh sih. --CARD Kumhra tlinnak Magazine chuahnak ding caah Australia nih Sponsor an kan tuah i phaisa zawng kan sin a phan dih cang nain Article a tlin deuh rih lo caah kan chuah kho rih lo ,Lailei Article tam deuh a chuak cang Ramleng um kan Unau sinin kan hmuh mi a um rih lo caah May thlachungah nan kan kuat khawh cionak lai zangfah kan in nawl chih rih ko hna. Pathian nih kan hmailei karhlannak zawngah a thluachuah za he lam tha kan hruai chin rih ko seh, nan ca thlacam piak kan in phlih hna lo. Lunglawmhnak he, Ngai Men Field Director CARD, Hakha ------------------------------___